🌟नांदेड गुरुद्वारा बोर्डाच्या यात्री निवासस्थानातील हाऊस किपिंग कर्मचाऱ्यांचे पगार वेळेवर न झाल्याने काम बंद आंदोलन....!

🌟गुरुद्वारा बोर्डाच्या अधिकाऱ्यांनी कामबंद आंदोलन करणाऱ्या कर्मचाऱ्यांना आंदोलन मागे घेण्याची केली विनंती🌟 

नांदेड :- नांदेड येथील गुरुद्वारा बोर्डाच्या अधिपत्याखालील यात्री निवासस्थानातील हाऊस किपिंग कर्मचाऱ्यांचे पगार वेळेवर होत नसल्याने अनेक कर्मचाऱ्यांवर अक्षरशः उपासमारीची वेळ आल्यामुळे त्रस्त झालेल्या हाऊस किपिंग कर्मचाऱ्यांनी आज मंगळवार दि.११ नोव्हेंबर रोजी कामबंद आंदोलनाला सुरुवात केल्यामुळे यात्री निवासस्थानातील यात्रेकरूंची चांगलीच तारांबळ झाली.

या संदर्भात सविस्तर वृत्त असे की हरदेव लेबर सप्लायर कंपनी पुणे या कंपनी तर्फे गुरुद्वारा सचखंड बोर्डाचे सर्व यात्री निवासस्थानांच्या हाऊस किपिंग (साफ सफाई) चे कामाचे वर्क ऑर्डर दि.०१ आक्टोंबर २०२५ पासुन टेंडर भरुन घेण्यात आले होते सदरील कंपनी तर्फे टेंडर भरल्यानंतर सर्व कमर्चारी सोबत बैठक घेऊन कर्मचाऱ्यांच्या महिनेवारी पगार ईपीएफ (भविष्य निर्वाह निधी),ईएसआयसी (कर्मचाऱ्यांचा विमा) इत्यादी बाबत चर्चा करुन जे जुनी कंपनी बिव्हीजी तर्फे जे मटेरियल व सवलत देण्यात येत होते ते सर्व सुविधा हे हरदेव लेबर सप्लायर कंपनी पुणे या कपंनी मार्फत देण्यात येईल असे आश्वासन देण्यात आले हाते व प्रत्येक महिन्याचे मासिक वेतन प्रत्येक ०७ तारखेच्या आत देण्यात येईल असे आश्वासन कंपनीचे प्रतिनिधी श्री.राणे यांनी दिले होते.

परंतु हरदेव लेबर सप्लायर कंपनी पुणे या कंपनीकडून आज पर्यंत महिना उलटून गेला तरीही मासिक वेतन देण्यात आले नसल्यामुळे गुरुद्वारा बोर्डाच्या सर्व यात्री निवास्थानांचे सुपरवायजर,इलेक्ट्रीशियन,प्लंबर,कारपेंटर व वर्कर इत्यादींनी आज मंगळवार दि.११ नोव्हेंबर रोजी कामबंद आंदोलनाला सुरुवात केली होते परंतु या कामबंद आंदोलनामध्ये गुरुद्वारा बोर्ड अधिकारी यांनी मध्यस्थी करुन आपल्याला दोन दिवसाच्या आत सर्व कर्मचाऱ्यांचे मासिक वेतन करुन तोडगा काढावा अशी कडक सुचना दिल्या आहेत. दोन दिवसाच्या आत हाऊसकिपींगच्या सर्व कर्मचाऱ्याची जी समस्या आहे ते हरदेव लेबर सप्लायर कंपनी पुणे या कपंनीने तात्काळ तोडगा काढावा अन्यथा कर्मचाऱ्यांकडून पुन्हा दि.१५ नोव्हेंबर २०२५ पासून सर्व यात्री निवास (हाऊसकिंपीग) काम बंद करण्यात येईल व होणाऱ्या परिणामास आपण स्वतः जबाबदार राहाल असा इशारा कर्मचाऱ्यांनी दिला आहे......