🌟पुर्णा नगर परिषद प्रभाग क्रमांक दहाचा संपूर्ण परिसर माझे गृहक्षेत्र व परिसरातील जनता माझे कुटुंब - सुनिल लक्ष्मण जाधव

 

🌟प्रभाग क्रमांक दहा 'ब' मधील यशवंत सेनेचे नगरसेवक पदाचे उमेदवार माजी नगरसेवक सुनिल जाधव यांची विशेष मुलाखत🌟

पुर्णा नगर परिषद सार्वत्रिक निवडणुकीत नगरसेवक पदासाठी प्रभाग क्रमांक दहा मधील 'ब' साठी निवडणूक लढवत असलेल्या यशवंत सेनेचे कार्यकर्तृत्व तत्पर सुशिक्षित आणि विकासाभिमुख नेतृत्व म्हणून ओळखल्या जाणारे उमेदवार माजी नगरसेवक सुनिल लक्ष्मण जाधव यांची प्रभागातील संभाव्य विकासा संदर्भात घेतलेली विशेष मुलाखत :- 

प्रश्न ❓ :- पुर्णा नगर परिषदेत यापुर्वी देखील आपणास आपल्या प्रभागातील मतदार जनतेने नगरसेवक म्हणून भरघोस मतांनी निवडून दिले होते त्यावेळी आपण प्रभागात कोणकोणती विकासकामे केली ?

सुनिल जाधव :- प्रभाग क्रमांक दहा मधील हरिनगर पंचशील नगरसह सर्व परिसर हे माझे गृहक्षेत्र असून या परिसरात माझा जन्म झाल्यामुळे माझे संपूर्ण बालपण या परिसरात गेलेले आहे त्यामुळे या परिसरात संपूर्ण जनता माझ्या कुटुंबासमान आहे माझ्या संपूर्ण गृहक्षेत्राचा यथोचित विकास व्हावा व माझ्या कुटुंबातील जनतेला कुठल्याही नागरीसुविधांची कमतरता भासू नये याकरिता मी यापूर्वी देखील प्रयत्न केले व यानंतर देखील प्रयत्नांची पराकाष्ठा करेल यापुर्वी नगरसेवक पदाच्या काळात मी या परिसरात भव्य असे परमपूज्य भैय्यासाहेब आंबेडकर सांस्कृतिक सभागृह,पिण्याच्या पाण्याची व्यवस्था व्हावी याकरिता परिसरात बोअरवेल पाणीपुरवठा पाईप लाईन तसेच सिंमेट रोड/सिमेंट नाल्यांची बांधकाम आदींना प्राथमिकता दिली एवढेच नाही माझ्याकडे कुठलेही पद नसतांना सन २०२२/२३ यावर्षी राज्याचे तत्कालीन मुख्यमंत्री तथा उपमुख्यमंत्री भाई एकनाथ शिंदे यांच्याकडे पाठपुरावा करून परिसरात जवळपास एक कोटी रुपयांच्या विकास निधीतून सिमेंट रोड सिमेंट नाल्यांची बांधकाम केली.

प्रश्न ❓:- पुर्णा रेल्वे परिसरालगतच असलेल्या आपल्या या प्रभाग क्रमांक दहामधील सर्वसामान्य जनतेच्या मुलाबाळांसाठी शिक्षणासाठी पर्यायी व्यवस्था व्हावी याकरिता काय उपाययोजना करणार ?

सुनिल जाधव :- प्रभाग क्रमांक दहा मधील पुर्वीच्या अनेक अंगणवाड्या बंद पडल्यामुळे या परिसरातील मुलाबाळांना शिक्षणासाठी इतरत्र जावे लागते त्यामुळे पुर्वीच्या अंगणवाड्या पुन्हा कार्यान्वित करुन नवीन अंगणवाड्या सुरू करण्याला मी प्राथमिकता देणार आहे 

प्रश्न ❓:- प्रभाग क्रमांक दहामध्ये अद्यापही अनेक गल्ली परिसरात रस्ते/नाल्यांची दुरावस्था आहे त्यामुळे या परिसरातील सर्वसामान्य रहिवासी नागरिकांना रस्ते/नाल्यांअभावी अनेक आरोग्य विषयक समस्यांना सामोरं जावं लागतं त्याबद्दल काय उपाययोजना करणार ?

सुनिल जाधव :- निवडणून येताच मोठ्या प्रमाणात विकासनिधी उपलब्ध करुन माझ्या या प्रभाग क्रमांक दहामधील प्रत्येक गल्ली परिसरात मजबूत टिकाऊ सिमेंट रोड/सिमेंट नाल्यांची बांधकाम करण्याला प्रथमतः प्राथमिकता देणार तसेच परिसरात स्वच्छतेअभावी आरोग्य व्यवस्थेचा प्रश्न निर्माण होऊ नये परिसरातील आरोग्य अबाधित राहावे याकरिता स्वच्छतेला प्राथमिकता देऊन दररोज नाल्यांसह परिसराची स्वच्छता याकडे विशेष लक्ष देणार तसेच परिसरातील कचरा उचलण्यासाठी घंटागाडी दररोज पाठवणार व परिसर स्वच्छतेवर भर देणार.

प्रश्न ❓:- प्रभाग क्रमांक दहामधील नागरिकांना वेळेवर आरोग्य सुविधा उपलब्ध व्हावी याकरिता काही उपाययोजना करणार काय ?

सुनिल जाधव :- होय माझ्या या प्रभाग क्रमांक दहामधील सर्वसामान्य जनतेला आरोग्य सुविधा वेळेवर उपलब्ध व्हावी त्यांचे आरोग्य अबाधित राहावे याकरिता प्रामाणिक प्रयत्न म्हणून मी परिसरात वेळोवेळी मोफत आरोग्य तपासणी शिबिर तसेच मोफत उपचार शिबिरांचे आयोजन निश्चितच करेल.

प्रश्न ❓:- प्रभाग क्रमांक दहामध्ये अनेक भागात पथदिव्यांअभावी अंधाराचे साम्राज्य आहे अनेक भागांमध्ये स्ट्रिट लाईटची व्यवस्था नसल्याने नागरिकांना अंधारात चाचपडत चालावे लागते यावर काय उपाययोजना करणार 

सुनिल जाधव :- प्रभाग क्रमांक दहामधील ज्या परिसरात लाईटची व्यवस्था नाही अशा ठिकाणी  स्ट्रिट लाईचे पोल बसवन्यावर भर देऊन परिसरात कायमस्वरूपी पथदिव्यांची अर्थात लाईटची व्यवस्था करेल तसेच मुख्य ठिकाणी हायमास/सौरऊर्जेवर चालणारी पथदिवे देखील लावण्यात येतील

प्रश्न ❓:- प्रभाग क्रमांक दहामध्ये नगर परिषदेची कायमस्वरूपी पाणीपुरवठा योजना कार्यान्वित नसल्यामुळे नागरिकांना स्वच्छ व निर्जंतुक पाणीपुरवठा होत नाही यावर काय उपाययोजना करणार ?

सुनिल जाधव :- प्रभाग क्रमांक दहामधील सर्वसामान्य नागरिकांना स्वच्छ व निर्जंतुक पाणीपुरवठा व्हावा याकरिता नवीन पाणीपुरवठा योजना कार्यान्वित करण्यात येईल याकरिता परिसरात सर्वत्र नवीन मजबूत पाणीपुरवठा पाईप लाईन बसवण्यात येईल.

प्रश्न ❓:- प्रभाग क्रमांक दहामधील मधील जनसामान्य नागरीक कुठल्याही प्रकारच्या नागरी सुविधांपासून वंचित राहू नये याकरिता आणखी काय काय उपाययोजना करणार आहात ?

सुनिल जाधव :- प्रभाग क्रमांक दहामधील जनसामान्यांना घरकुल योजनेचा लाभ मिळवून देणार,नवीन राशनकार्डशी संबंधीत कामे कटाक्षाने करणार,नगर परिषदेशी संबंधीत असलेली कामे देखील कटाक्षाने करणार,आरोग्याशी संबंधीत असणारे उपक्रम राबवणार.परासरातील महिलांना व युवकांना रोजगार उपलब्ध करून देणार,बचत गटांच्या सक्षमीकरणातून गृह उद्योग निर्माण करणार,रखडलेल्या व अर्धवट राहिलेल्या विकास कामांचे सुत्रबंध नियोजन करणार,बँकांशी संबंधीत असलेल्या आर्थिक अनुदानाचा लाभ मिळवून देण्यासाठी वेळोवेळी प्रयत्न करणार तसेच प्रभागातील जनतेच्या अडचणी तक्रारी, प्रश्न सोडवण्यासाठी मदत केंद्राची/जनसंपर्क कार्यालयाची स्थापना करणार असल्याचे देखील सुनिल जाधव म्हणाले.