🌟पुर्णा-झिरोफाटा मार्गावर अज्ञात वाहनाच्या धडकेत पादचारी युवक ठार....!

🌟पुर्णा-झिरोफाटा मार्गावरील गायकवाड पेट्रोल पंपा जवळील घटना🌟

पुर्णा :- पुर्णा-झिरोफाटा मार्गावरील गायकवाड पेट्रोल पंपाजवळ अज्ञात वाहन चालकाने बेजबाबदारपणे वाहन घालवून एक पादचारी युवकाला चिरडल्याची दुर्देवी घटना आज शुक्रवार दि.०६ डिसेंबर रोजी सकाळी ०७.३० ते ०८.०० वाजेच्या सुमारास घडली सदरील घटनेनंतर बेजबाबदार वाहन चालक घटनास्थळापासून फरार झाल्याचे समजते. 

पुर्णा-झिरोफाटा मार्गावरील गायकवाड पेट्रोल पंपालगत झालेला हा अपघात इतका भयंकर होता की अपघातग्रस्त युवकाच्या डोक्याचा अक्षरशः चेंदामेंदा झाला अपघातात मरण पावलेल्या युवकाचे नाव संतोष उर्फ छगन घोडजकर असे असून सदरील युवक नांदेड जिल्ह्यातील कंधार तालुक्यातल्या घोडज येथील रहिवासी असल्याचे समजते या अपघातानंतर तो अज्ञात वाहन चालक  वाहना सह पसार झाला अपघाताची माहिती मिळताच पुर्णा पोलिस स्थानकाचे पोलिस अधिकारी बिट जमादार अमर चाऊस यांनी घटनास्थळी धाव घेऊन  पाहणी करत पंचनामा केला.

याबाबत अधिक माहिती अशी की, पूर्णा ते झिरोफाटा मार्गावरील देगाव फाट्याजवळील पेट्रोल पंप परिसरात संतोष घोडजकर आज सकाळी ७. ३० ते ८ च्यादरम्यान पायी चालत जात होता. यावेळी भरधाव अज्ञात वाहनाने त्याला जोराची धडक देऊन चाकाखाली चिरडले. यात तरुणाचा जागीच मृत्यू झाला. या अपघातानंतर चालक पळून गेला.ही माहिती पूर्णा पोलिसांना मिळताच त्यांनी घटनास्थळी धाव घेऊन पंचनामा केला. अपघाताची माहिती सोशल मीडियावर तात्काळ पाठवून मृताची ओळख पटवण्याचे काम केले. काही तासानंतर  दुपार नतंर मृत युवकाची ओळख पटविण्यात पोलिसांना यश आले.

दरम्यान, पोलिसांनी पंचनामा करून मृतदेह ताब्यात घेतला व शवविच्छेदनासाठी ग्रामीण रुग्णालयात रवाना केला. या अपघात प्रकरणी  पुर्णा पोलीस ठाण्याचे पोलीस निरीक्षक विलास गोबाडे यांच्या मार्गदर्शनाखाली सहायक पोलीस उपनिरीक्षक अमर चाऊस अधिक तपास करीत आहेत......