🌟पुर्णा नगर परिषद निवडणूक आमदार/खासदार विरुद्ध जिल्हाप्रमुख विशाल कदम ? निवडणूक ठरणार ऐतिहासिक....!

 

🌟नगर परिषदेच्या सत्तेची सुत्र कोणाच्या हाती सर्वसामान्य मतदार जनता ठरवणार सत्तेचा खरा सुत्रधार🌟

'परखड सत्य'- चौधरी दिनेश (रणजित)

परभणी जिल्ह्यातील पुर्णा नगर परिषद नगराध्यक्ष व अकरा प्रभागातील तेवीस नगरसेवक निवडीसाठी येत्या ०२ डिसेंबर २०२५ रोजी मतदान प्रक्रिया पार पडणार असून या मतदान प्रक्रियेत ३३,७७४ मतदार सहभाग नोंदवणार असून यात १६६८४ पुरुष मतदार तर १७०८९ महिला मतदारांचा समावेश आहे अकरा प्रभागातील २३ नगरसेवकांचे भविष्य ठरवणाऱ्या प्रभागवाईज मतदारांचा विचार केल्यास प्रभाग क्रमांक एक मध्ये एकूण ३१२० मतदार असून यात १५७६ पुरुष तर १५४४ महिला मतदारांचा समावेश आहे तर प्रभाग क्रमांक दोन मध्ये २२७८ मतदार असून यात ११५५ पुरुष तर ११२३ महिला मतदारांचा समावेश आहे तर प्रभाग क्रमांक तीन मध्ये २३१४ मतदार असून यात ११८२ पुरुष तर ११३२ महिला मतदारांचा समावेश आहे तर प्रभाग क्रमांक चार मध्ये  २६८१ मतदार असून यात १३१८ पुरुष तर १३६३ महिला मतदारांचा समावेश आहे तर प्रभाग क्रमांक पाच मध्ये २४६१ मतदार असून यात १२०० पुरुष मतदार तर १२६१ पुरुष मतदार आहेत तर प्रभाग क्रमांक सहा मध्ये ३८९६ मतदार असून यात १८१६ पुरुष मतदार तर १८८० महिला मतदारांचा समावेश आहे तर प्रभाग क्रमांक सात मध्ये ३७९७ मतदार असून यात १९२१ पुरुष तर १८७६ महिला मतदारांचा समावेश आहे तर प्रभाग क्रमांक आठ मध्ये २६१२ मतरांचा समावेश असून यात १३२७ पुरुष तर १२८५ महिला मतदारांचा समावेश आहे तर प्रभाग क्रमांक नऊ मध्ये ५०४७ मतदार असून यात २३८७ पुरुष तर २३६० महिला मतदारांचा समावेश आहे तर प्रभाग क्रमांक दहा मध्ये २४३० मतदार असून यात ११७२ पुरुष तर १२५८ महिला मतदारांचा समावेश आहे तर प्रभाग क्रमांक अकरा मध्ये ३३३८ मतदार असून यात १६३१ पुरुष तर १७०७ महिला मतदारांचा समावेश आहे.

पुर्णा नगर परिषद सार्वत्रिक निवडणूक २०२५ च्या या नगराध्यक्ष व अकरा प्रभागातील २३ नगरसेवकांच्या निवडीसाठी दि.०२ डिसेंबर २०२५ रोजी होणाऱ्या मतदान प्रक्रियेत अंदाजे जवळपास ८० ते ८५ टक्के मतदान होण्याची शक्यता नाकारता येत नाही दरम्यान पुर्णा नगर परिषद नगराध्यक्ष पदासह तेवीस नगरसेवक पदांच्या ही निवडणूक गंगाखेड विधानसभा मतदारसंघाचे विद्यमान आमदार डॉ रत्नाकर गुट्टे परभणी लोकसभा मतदारसंघाचे खासदार संजय उर्फ बंडू जाधव भारतीय राष्ट्रीय काँग्रेस पक्षाचे जिल्हाध्यक्ष तथा माजी आमदार बाबाजानी दुर्रानी यांनी प्रतिष्ठेची केली असून काहीजरी झाले तरी पुर्णा नगर परिषदेची सत्ता सुत्रे आपल्याच ताब्यात राहावी यादृष्टीने त्यांनी प्रयत्नांची पराकाष्ठा सुरू केल्याचे पाहावयास मिळत आहे.

गंगाखेड विधानसभा मतदारसंघाचे आमदार डॉ रत्नाकर गुट्टे यांनी यशवंत सेना शहर विकास आघाडीची स्थापना करुन नगराध्यक्ष पदासाठी विमलबाई लक्ष्मणराव कदम यांच्यासह शहरातील अकरा प्रभागात सर्वच्या सर्व तेवीस तुल्यबळ उमेदवार निवडणूक मैदानात उतरवल्याचे पाहावयास मिळत आहे तर खासदार संजय जाधव यांनी देखील शिवसेना उबाठा पक्षाकडून पुर्णा नगर परिषद नगराध्यक्ष पदासाठी सौ.प्रेमला संतोष एकलारे यांच्यासह शहरातील विविध प्रभागांमध्ये नगरसेवक पदासाठी शिवसेना उबाठा पक्षाकडून ०९ उमेदवार निवडणूक मैदानात उतरवण्याचे दिसत असून नुकतेच राष्ट्रवादी काँग्रेस पक्षातून भारतीय राष्ट्रीय काँग्रेस पक्षात प्रवेशकर्ते होऊन जिल्हाध्यक्ष पदावर विराजमान झालेले माजी आमदार बाबाजानी दुर्रानी यांनी देखील पुर्णा नगर परिषद निवडणूकीत आपली ताकद पणाला लावल्याचे दिसत असून त्यांनी भारतीय राष्ट्रीय काँग्रेस पक्षाकडून पुर्णा नगराध्यक्ष पदासाठी शेख हसीना बेगम लतीफ शेख यांना उमेदवारी बहाल केली असून भारतीय राष्ट्रीय काँग्रेस पक्षाकडून नगरसेवक पदासाठी विविध प्रभागांमध्ये ०९ उमेदवार निवडणूक मैदानात उतरवले आहेत एकीकडे महाविकास आघाडीचे हे सर्वच सहकारी पक्ष एकमेकांविरोधात निवडणूक लढवत असतांना मात्र 'सबपर भारी शिवसेना (शिंदे)-भाजप की यारी' या आवेशात परभणी जिल्ह्याच्या रणरागिणी पालकमंत्री मेघनाताई बोर्डीकर व शिवसेना (शिंदे) पक्षाचे रणधुरंधर धाडसी जिल्हाप्रमुख तथा पुर्णेचे भुमि पुत्र विशाल विजयकुमार कदम यांनी साम दाम दंड भेदा विरोधात अक्षरशः दंड थोपटून विरोधकांपुढे जबरदस्त आव्हान निर्माण करीत महायुतीकडून पुर्णा नगराध्यक्ष पदासाठी कमलबाई जनार्दन कापसे यांना उमेदवारी बहाल केली असून शिवसेना-भाजपचे गड म्हणून ओळखल्या जाणाऱ्या जवळपास चार प्रभागातून नगरसेवक पदासाठी ०८ उमेदवार निवडणूक मैदानात उतरवले आहेत.

पुर्णा नगराध्यक्ष व तेवीस नगरसेवक पदासाठी येत्या ०२ डिसेंबर २०२५ रोजी मतदान प्रक्रिया पार पडणार असून या निवडणुकीच्या प्रचारात जवळपास सर्वच पक्षांनी आघाडी घेतल्याचे दिसत असून मतदार जनतेपुढे प्रत्येक पक्षाच्या नेत्यांनी जणुकाही आश्वासनांच्या खैरातींचा पाऊसच पाडल्याचे पाहावयास मिळत आहे तर दुसरीकडे राज्यातील सत्ताधारी पक्ष असलेल्या महायुतीतील शिवसेना (शिंदे)-भाजप पक्षाचे नेते पालकमंत्री मेघनाताई बोर्डीकर व जिल्हाप्रमुख विशाल कदम यांनी सर्वसामान्य मतदार जनतेला आम्हीं केवळ खोटी आश्वासन देत नाही तर प्रत्यक्षात कसा विकास घडवून आणतो या संदर्भात मागील काळात केलेल्या विकासकामांचा लेखाजोखाच समोर ठेवल्याचे निदर्शनास येत असून त्यामुळे पुर्णा शहरातील सुजाण मतदार जनता येत्या ०२ डिसेंबर २०२५ रोजी भरभरून मतदान करीत सत्ताधारी महायुतीला झुकते माप देते की सत्तेच्या मोहापायी बिथरलेल्या महाविकास आघाडीतील घटक पक्षांना याकडे संपूर्ण जिल्ह्याचे लक्ष लागले आहे.

दरम्यान पुर्णा नगर परिषदेच्या या नगराध्यक्ष व अकरा प्रभागातील तेवीस नगरसेवक पदांच्या निवडणुकीत धर्मनिरपेक्ष पक्षांच्या महाविकास आघाडीतील जवळपास सर्वच घटक पक्षांनी आपापली वेगळी चुल मांडली असून त्यातच या पक्षांचा तथाकथित धर्मनिरपेक्षतेचा बुरखा प्रत्येक निवडणुकीत टराटरा पाडणाऱ्या ऑल इंडिया मजलिस-ए-इत्तेहादुल मुस्लिमीन (एमआयएम) पक्षाने देखील पुर्णा नगराध्यक्ष पदासाठी शिरीन बेगम मोहम्मद शफीक यांना उमेदवारी देऊन रणांगणात उतरवल्याने धर्मनिरपेक्ष मतांचे जबरदस्त विभाजन अटळ असल्यामुळे याचा फायदा शिवसेना-भाजप महायुतीला होण्याची शक्यता राजकीय जाणकारांतून व्यक्त होत असून वंचित बहुजन आघाडीच्या वतीने पुर्णा नगराध्यक्ष पदासाठी आम्रपाली केशव जोंधळे यांना तर नगरसेवक पदासाठी विविध प्रभागातून सात उमेदवार निवडणूक मैदानात उतरवण्याचे आले आहेत वंचित बहुजन आघाडीने प्रचारात जोरदार मुसंडी मारल्याचे पाहावयास मिळत आहे.........