🌟पुर्णा नगर परिषद नगराध्यक्ष पदासह एकवीस नगरसेवक पदांच्या निवडणुकीत सरासरी ७०.३४ टक्के मतदानाची नोंद...!

🌟२३ हजार ७५५ मतदात्यांनी बजावला मतदानाचा हक्क यात यात १२०८० पुरुष तर ११६७५ महिला मतदारांचा समावेश🌟 

(यशवंत सेना शहर विकास आघाडीच्या नगराध्यक्ष पदाच्या उमेदवार सौ.विमलताई कदम मतदानाचा हक्क बजावताना) 

पुर्णा : पुर्णा नगर परिषद सार्वत्रिक निवडणूक २०२५ अंतर्गत काल मंगळवार दि.०२ डिसेंबर २०२५ रोजी झालेल्या नगराध्यक्ष व अकरा प्रभागातील २१ नगरसेवक पदांच्या निवडणूकी संदर्भात झालेल्या मतदान प्रक्रियेत रात्री पुर्णा तालुका निवडणूक निर्णय अधिकारी तथा तहसिलदार माधवराव बोथिकर यांच्याकडून उशिरा आलेल्या अधिकृत वृत्तानुसार शहरातील ३८ मतदान केंद्रांवर ७०.३४ टक्के मतदातात्यांनी आपल्या मतदानाचा हक्क बजावल्याची नोंद करण्यात आली आहे.

(शिवसेना उबाठा पक्षाच्या नगराध्यक्ष पदाच्या उमेदवार सौ.प्रेमला संतोष एकलारे मतदानाचा हक्क बजावताना)

पुर्णा शहरात एकंदर सरासरी ३३,७७४ मतदार संख्या असून यात १६६८५ पुरुष तर १७०८९ महिला मतदारांचा समावेश आहे काल मंगळवार दि.०२ डिसेंबर २०२५ रोजी पुर्णा नगर परिषद नगराध्यक्ष व अकरा प्रभागातील २१ नगरसेवक निवडी संदर्भात झालेल्या मतदान प्रक्रियेत ३३.७७४ मतदारांपैकी २३,७५५ मतदारांनी आपल्या मतदानाचा हक्क बजावला यात १२०८० पुरुष तर ११६७५ महिला मतदारांचा समावेश आहे दरम्यान शहरातील प्रभाग क्रमांक ९ येथील मतदान केंद्रांवर रात्री उशिरा दहा वाजेपर्यंत मतदान सुरू असल्याने संपूर्ण शहरातील अनधिकृत टक्केवारी प्राप्त होण्यास उशीर झाला तर शहरातील अनेक मतदान केंद्रांवर मतदानाची वेळ संपल्यानंतर देखील मतदारांच्या रांगा दिसून आल्या.

(मतदानाची वेळ संपल्यानंतर देखील मतदारांच्या लागलेल्या रांगा)

पुर्णा नगराध्यक्ष व नगरसेवक पदांच्या निवडणुकीतील मतदान प्रक्रिया शांततेत व व्यवस्थीतपणे पार पडावी याकरिता उपविभागीय पोलिस अधिकारी समाधान पाटील यांच्यासह पुर्णा पोलिस स्थानकाचे पोलिस निरीक्षक विलास गोबाळे व सर्व सहकारी अधिकारी/कर्मचारी यांनी सर्वत्र चोख बंदोबस्त तैनात केला होता त्यामुळे मतदान काळात कुठल्याही प्रकारचा अनुचित प्रकार घडला नाही व शांतता व सुव्यवस्थेचा प्रश्न देखील निर्माण झाला नाही......